她和我很有緣,係我哥哥的女兒,該稱為甚麼?好似係侄女,定係兒甥女??真係唔知,佢係狗年出世,又係巨蟹座,同我八字都好夾,哈哈,八婆性格又來了,佢個名係我改.... 哈哈,我不過係改了幾個名,給我阿哥揀. 這個名其中一個字,係我自細到大都想要既字,就係"明"字,一個"明"係一個女孩子身上出現,幾型!!!! "明"係我想表逹對世界既事物明明白白,有日有月,世間之事萬變不離其中,太陽底下無新事,人生係有不快之事,不過都會過去,我很希望這個小女孩長大之後能勇於面對所有不快,也要放下. 至"慧",唔係我最想要既字,因為它同姑媽的名字同音,犯忌.不過,唔緊啦.我原本用"穂"字,係由禾字同恵字合成的,恵字同慧字相通，希望她有的是智慧,智慧不同聰明,也有別於醒目,希望她得到大智慧﹐wisdom is different. 那時候用個禾字邊係想佢衣食足。 仲有﹐佢手上既玩具係我小時買﹐不過無玩到﹐一直放係度﹐點知畀佢搵到﹐想問佢羅黎睇下﹐佢都唔畀.....算啦。

He's my happiness.  Don't ask me about the content.  The langugage is in Romanian.  He's an eight-year-old boy.

請留意個新娘﹐唔好問候我個眼袋﹐係咁架啦。梳個靚靚頭﹐新娘子同父母!準備中﹐一眾姐妹同個新娘,任務正式開始...... 家姐同新娘子﹐我想我應該係最有資格叫佢做家姐,係同一年同一天,佢仲有另一個細妹係某個醫院出世等待中的女人﹐一身金光閃閃﹐勁!好大既豬﹐唔記得影阿奶奶﹐佢好勁﹐手起刀落﹐斬啊!!!!伴郎伴娘一號﹐伴郎伴娘二號﹐伴郎伴娘三號﹐新郎靚唔靚仔唔重要﹐最緊要係新娘﹐靚靚!!!!花球二號﹐本人既伴娘花球﹐別人既老婆借來一用。好得意既回禮。 呢個應該係我做第二次做伴娘﹐也是收山之作﹐要我做第三次﹐務必要用非常人情﹐同埋非常金錢..........暫時我會閉關一段時間.

剪了一把頭髮﹐把原本及肩的髮都剪了﹐希望心情隨之而爽一點﹐過去三個月發生了很多事情﹐媽咪整親隻腳﹐到親人離開﹐再加上要工作同讀書﹐又加上其他事情﹐心裡一點也不爽﹐尤記得四年前﹐一頭短髮﹐所有事情都開懷的﹐今天希望把頭髮剪去﹐回復昔日的輕鬆﹐也希望身體健康一點。

真的有幸與大師級人馬見面-陳正雷師傅,"中國太極四大金鋼之一",能見識他的風采,都多得譚師父的幫助.其實﹐陳師傅很似小丸子爸爸﹐哈哈...... 近看陳師傅既表現,己經知道他功力比DVD更深呢!希望將來有機會給他指導(雖然有些妄想,哈哈....)﹐其他人想知道他是誰﹐請去google search 一下。 仲有﹐畀人話我殘咗又肥咗﹐人生至此﹐都哪個........

今次番香港﹐為的是朋友既婚禮﹐一個很要好既朋友﹐朋友有所求﹐我就兩脇插刀﹐滚返香港。今次既任務係伴娘﹐人生既第一次﹐就咁畀咗佢﹐我從未做過伴娘﹐唔知點應付新娘子既親朋戚友﹐我都驚我會黑面對住其他人﹐曾經有人話我係一個容易黑面既人﹐所以佢結婚一定唔會找我做伴娘﹐多謝佢咁睇得起我﹐佢所認識既我係兒時既我﹐大家長大了﹐我係職場所面對既客人﹐由討厭的到喜歡的﹐我都要笑住去見﹐說粗話的到語言騷擾的﹐我都要承受﹐人係要生活。 講番個婚禮﹐新娘子係由細識到大﹐佢既屋企人到親戚朋友﹐我都有些認識﹐她父母更是中學時已識了﹐他們依然叫我中文全名﹐蠻有親切感﹐還有﹐她父母係快樂的一雙。要而她有幾個活表姐﹐特別最小的兩位﹐還有一個超醒目既表哥。新娘子既靚靚姑姐﹐我尤記得我細個時候見到﹐我已經覺得她很美﹐到現在她仍然很美。有件趣事﹐就係拋花球﹐我當然要站在最後啦﹐ 花球已經assigned﹐點知多了位自由行係中間﹐佢9秒9搶到花球........嚇得在場人士﹐花球都安全落在該落既人士手上。 係婚禮﹐同新娘照相的機會不多﹐還有大家唔好留意相片中的我﹐因為個妝唔係好靚﹐多得個化妝師﹐佢落手落得太重。唯有係其他相片中show 下個新娘同伴娘。一對勁勁既組合!!結婚前晚係酒店內﹐仲有唔好話人知﹐我地係度"放火" 做伴娘貴精不貴多﹐一個妹仔﹐尤其著對高跟鞋走來走去十多小時﹐真的......不過人生唔係好多次﹐但真的很高興﹐阿雲開始人生的另一頁了﹐ 記著: 要快樂! 等等﹐唔記得講下個新郎哥﹐好人一個啦。

很久無寫blog 啦﹐因為近三個月來﹐不眠不休工作同讀書﹐真的很累﹐有時候做功課至晚上10時許﹐一天的工作太累了﹐眼不能睜開﹐思想也動不了﹐唯有上床睡覺﹐然後早上5點就起身再做功課﹐起身也有一定的難度﹐只可以告訴自己:既然擇得呢行﹐就盡力去做吧﹐於是起身打開電腦再做功課﹐上個星朞三考完了一科﹐又要開始另一科了。不過﹐還有少許空閒﹐上街逛逛先﹐其實唔係真的行街﹐而去做些該做的事情﹐攞架車去撿查﹐係等師傅撿查期間﹐我去了四處遊走﹐走到downtown,遇上scottish event,見到一隻很大很大既狗﹐真的很大﹐可以比人還要大﹐叫咩? Scottish Wolfhound, 聽說牠需要很大的運動量﹐也要很大的地方才可以容下牠﹐相信係香港沒甚麼機會見到牠。在現場見到的牠﹐很可愛﹐很喜歡和人親近﹐又愛嗲牠主人﹐我一直覺得大狗比細狗可愛﹐因為大狗嗲人時候﹐更加令人心動﹐而且大狗沒細狗咁"翹"﹐和善很多。希望自己有機會擁有一隻大狗﹐曾經聽說有個人有很多隻狗﹐甚至請人打理﹐若果沒時間打理這麼多隻狗﹐為甚麼要咁多隻?其實每一隻狗都需要主人親自照顧﹐和牠們溝通﹐狗隻就如小孩子一樣﹐需要很多時間同愛心﹐缺一者﹐煩請三思。

聽到收音機,知道今年係最後一年會考,聽到主持人話會參加最後一年會考,我都有少心思思想去玩下,若果有機會,我都想考下會計或者商業,又或者美術....哈哈....... 不過諗到要畀考試費,嘻嘻....就係諗下算. 回想自己會考日子,都覺得自己未盡力同唔識得如何掌握. 人生就是要活在當下,過去已經過去,今天既因就是明天既果.

經過兩個星期既假期﹐終於返到van,一下機﹐已經落雪﹐氣溫很冷﹐因為下雪﹐路面很滑﹐坐了人生第一次vancouver taxi。之後﹐ 回來這幾天﹐溫度都在零度以下。溫差由香港到van實在太大﹐吃不消。每天將自己包成個豬仔包出門﹐有次回到家﹐然後去洗澡﹐我的腳因溫差太大﹐一時間受不了熱水﹐很痛﹐痛入心﹐雙腳好像燒般痛。

前幾天﹐一位要既朋友結婚了﹐身邊有好多朋友要結婚了﹐有些朋友更計劃生bb﹐人生又要到另一個階段了﹐而我仍然貪玩﹐每年想出去玩﹐思想仍然想停留係學生時代﹐生理時鐘不斷倒數﹐叫我要開始另一個階段﹐可以陪我玩既朋友越來越少﹐人生真的有點哪個。

今個平安夜﹐一生難忘﹐下雪了﹐一個白色的聖誕﹐該高興嗎? 不﹐一點也不。 早上﹐辛苦的步行到車站﹐一段本是五分鐘的車程﹐要用十五分鐘以上﹐因為雪高到小腿﹐走路就如爬山﹐踏著軟綿綿的雪﹐一拐一拐爬行﹐經過一番努力﹐終於回到公司。 下午2:30pm﹐可以早些回家﹐今天是平安夜﹐該平平安安回家﹐何況外面正在下大雪。於是離開公司回家去。 搭巴士去到skytrain﹐發現前面很多人等候﹐心知不妙﹐再聽廣播通知路軌有大樹倒下﹐不能夠行車﹐需時修理﹐當時估應該唔會很耐﹐就恢復通車﹐於是等它回復正常。等了等又等﹐等了一個小時還未有車﹐身子開始冷卻下來﹐後來﹐工作人員給公眾擠到月台﹐那skytrain依然未開出﹐內裏已擠滿人﹐而我站在車門外前﹐希望取些車內噴出的熱氣。又等了一會﹐廣播再通知﹐修理再需要一段時間。 於是﹐我走出車站外﹐再搭巴士﹐去轉乘另一班巴士﹐去中轉站﹐沒有巴士﹐來的都已滿﹐乘客也上不了﹐有些乘客已經轉乘的士﹐可惜係這種時勢﹐的士已經滿了﹐沒有幾輛車係吉的﹐於是我看著很多的士同巴士從身邊走過﹐看著屋門很近﹐但回不到家。我等了很久﹐我身體開始發抖﹐也感到我雙腳冷得發麻﹐開始沒有知覺。 原來要回家也很難﹐平安夜一點也不平安。 四個小時後﹐終於上了巴士。 到站﹐從人群中擠出巴士﹐一踏出車門﹐就倒下﹐一雙腳滿是雪﹐手套也濕了﹐於是一步步走回家﹐平安夜﹐很爛的一夜﹐眼淚水淌下了﹐今晚﹐很辛苦。